كل شيء باسمك حلو يا عراق

تركت اثرا ليس على خدي وانما في قلبي!!!!!!!!!!

[size=16]

[size=21]كتبوا وقالوا كثيرا عن العلم العراقي ولكن لم اجد العلم العراقي الا بكلمات كاظم اسماعيل الكاطع

اترككم مع هذه اللوحه لرسام القصيدة كاظم اسماعيل الكاطع

ماخذ وياي العراق بجنطة ... ما كفت الجنطة
طالعة منها منارة ، وعثك نخلة .... وشعلة من عيون نفطه
وراح نوصل... ذاك حد السيطرات... وذيج ضوايات المحطه

وين أضمهه....
لا هوة كتاب ويخليه المسافر جوة أبطه

الحمد لله... الدنيا ليل....... ونقطة التفتيش سنطه
هاي نقطه ويمها واحد
نقطتين . تلاثة . خمسه
ست نقاط ويمها واحد !!!.... تنحسب مليون نقطه

وصاح مسؤول النقاط بصوت عالي ... هاي ما معقوله جنطه
بصيحته إنزرعت الساحة.... رجال أمن ورجال سلطه
بجرة السحاب شافت عينه نجمه... وطكته ريحة الحنطه
ما لكه غير العلم.... كلي شيفيدك؟
كتله غربه
إحنه غربه
ومن نموت هناك... جا ابيش نتغطه؟
أخذ للجنطه تحيه... وكلي توصل بالسلامه

وهاي أول مرة أفوت بسيطره....
وما أنطي رشوة... وتستعد كدامي شرطه

بنات رجاء الي تقرا الموضوع تدعي للعراق يشد حيلة ويرجع مثل قبل واحسن لان والله والله والله متنة من الغربة والتعب والفراق

[/size]
[/size]

ومن نموت هناك... جا ابيش نتغطه؟
أخذ للجنطه تحيه... وكلي توصل بالسلامه

وهاي أول مرة أفوت بسيطره....

وما أنطي رشوة... وتستعد كدامي شرطه

الله والله قهر ياربي
الله يحفظ العراق واهله ويرجعلنه مثل قبل امين يارب العالمين

شفتي حبيبتي اشلون القصيدة اتدمر اويلي علينا وعلى حالنا رببييييييييي افرجها ربي
منورة الموضوع حبيبتي